Emma byrjaði at arbeiða í køkinum í Nærverkinum í 2009, og helt síðan fram í Almennaverkinum. Sostatt hevur Emma higartil arbeitt í 16 ár. Emma møtir kl. 8 hvønn dag, og fær frí kl. 10. Arbeiðsuppgávur hennara eru at halda teir tríggjar køkarnar reinar og ruddiligar og fáa uppvaskið í maskinurnar, gera kaffi og annað. Emma møtir sera stundisliga og hevur altíð avrikað tað, hon skal, tá hon fær frí. Hetta megnar hon, tí hon er ómetaliga miðvís og røkin. Haraftrat er Emma sera sosial. Hon prátar við starvsfelagarnir, ger felags fimleik og vitjar skrivstovurnar. Øll í Almennaverkinum eru glað fyri at hava Emmu sum starvsfelaga, og hon er nógv saknað, tá hon hevur frí.