Kári arbeiðir umborð á Smyrli. Hann arbeiðir tríggjar dagar um vikuna. Kári er ógvuliga dugnaligur og íðin arbeiðsmaður. Ein týdningarmikil uppgáva er at skilja tómu fløskurnar umborð og tryggja, at tær eru klárar at fara í land. Arbeiðsuppgávurnar annars fevna millum annað um at flyta vørur og rudda og vaska sodavatnsgoymsluna. Eisini hjálpir hann til í kioskini, kafeteriuni og galluni, um tíð er til avlops. Hann er sera arbeiðssamur og ger altíð arbeiði sítt til fulnar.