Í Stíggjabúðini arbeiða Ann, Berit, Ester, Jacobina og Joan. Stíggjabúðin er partur av Verkhúsinum Stíggjur í Saltangará. Í Stíggjabúðini verður dentur lagdur á at menna førleikar, ið krevjast fyri at reka handil. Tær eru tildømis við til at avgreiða viðskiftafólk, seta vørur fram, prýða sýnisgluggarnar og at gera reint. Harumframt, er tann sosiali parturin sera umráðandi. Tær práta og flenna, ímeðan tær binda og gera ymiskt handarbeiði, samstundis sum tær hoyra søgu og tónleik. Viðhvørt fara tær eisini gongutúr í nærumhvørvinum. Um summarið eru tær sera upptiknar, tí tá koma nógv ferðafólk at keypa í handlinum.