Laura arbeiðir í Bónus. Her arbeiðir hon hvønn mánadag eftir skúlatíð. Arbeiðið hjá Lauru snýr seg í høvuðsheitum um at seta vørur á hillarnar, og tað dugur hon frálíka væl. Laura er so sera fitt og fyrikomandi og altíð klár at hjálpa kundum, um tørvur er á tí. Hon er sera lívsglað, lættlynt og stuttlig at vera saman við. Bæði starvsfelagar og viðskiftafólk eru avbera glað fyri Lauru, og tað arbeiðið hon ger.