Hans Eli arbeiðir í Verkhúsinum Virkni. Hann hevur arbeitt har síðan 2008. Hans Eli ger ymiskar lutir, sum verða seldir í sølubúðini á Virkni. Honum dámar ómetaliga væl at ganga runt á Virkni og heilsa upp á øll, sum eru har, og hetta er gott og gevandi íkast til arbeiðsplássið. Honum dámar tó allarbest at arbeiða uttanfyri. Við ágrýtni og nærlagni, ger hann sær stóran ómak, tá ið hann klippir greinar, lúkar og sópar í garðinum. Hans Eli er raskur arbeiðsmaður, sum kemur væl hýrdur til arbeiðis og fer glaður og móður til hús, tá dagurin er liðugur.